អ្នកបានដឹងរឿងរឿងរ៉ាវជាច្រើនរួចមកហើយពីបងប្អូនទាំងពីរ Galaxy Note 10+ និង Note 10។ ពេលនេះម្ចាស់មួយចំនួនកំពុងតែនឹងសប្បាយចិត្តជាមួយមិត្តថ្មីរបស់ខ្លួន ពោលគឺកាមេរ៉ាកប់ ប៊ិចដ៏ឆ្លាតវៃ និង ចំណុចពិសេសៗជាច្រើនទៀតរបស់កំពូលស្មាតហ្វូនទាំង ២។ ថ្ងៃនេះយើងនឹងលើកយកចំណុចកំបាំងចំនួន ៨ ដែលម្ចាស់ Galaxy Note 10 ស៊េរី គួរតែដឹង៖
ប្រើ Raise to Wake up (លើកទូរសព្ទ័ដើម្បីបើកអេក្រង់)
ចុចប៊ូតុងដើម្បីធ្វើអោយអេក្រង់ភ្លឺ មិនមែនជារឿងធំដំប៉ុន្មានទេចំពោះយើង ប៉ុន្តែមើលទៅវាហាក់ដូចជាមិនសំខាន់។ អីលូវយើងអាចអោយអេក្រង់បើកដោយគ្រាន់តែលើកទូរសព្ទ័របស់យើងឡើង ដោយប្រើមុខងារ Lift to wake (លើកទូរសព្ទ័ អេក្រង់ភ្លឺ ហើយអាចចាប់ផ្ដើមប្រើប្រាស់បាន)។ ដើម្បីដំណើរការមុខងារខាងលើ សូមធ្វើតាមរបៀបខាងក្រោម៖
បើក Settings -> Advanced features -> Motions and gestures -> Lift to wake (មើលរូបខាងក្រោម)
បន្ទាប់ពីបើករួចរាល់ហើយ ពេលណាអ្នកលើកទូរសព្ទ័ អេក្រង់នឹងភ្លឺឡើង។
ធ្វើអោយ Always on Display បើករហូត
បងប្អូនទាំងពីរនេះ ពេលចេញពីប្រអប់មកភ្លាម មុខងារ Always on Display មិនបើករហូតនោះទេ។ ដើម្បីឃើញវា យើងត្រូវចុចលើអេក្រង់ទើបវាលោតមក ពោលគឺមើលទៅមិនសូវមានអារម្មណ៏ថាស្រួលសោះ៕ អ៊ីចឹងមកមើលរបៀបខាងក្រោមដើម្បីធ្វើការដូររបៀបដែលមុខងារ Always on Display បង្ហាញ៖
បើក Settings -> Lock Screen -> Always on Display ដើម្បី កំណត់ម៉ោងដែលវាបើក ដាក់អោយវាបើករហូត និង បើកពេលយើងចុចអេក្រង់។ (មើលរូបខាងក្រោម)៖
វិធីមួយផ្សេងទៀតដើម្បីប្រើប្រាស់កម្មវីធីពេលជាប់សោអេក្រង់ (Lock screen shortcuts)
ជាធម្មតាពេលចាក់សោអេក្រង់យើងមានឃើញកម្មវិធីចំនួនពីរនៅលើនោះ មួយគឺសម្រាប់ការតេនិងមួយទៀតកាមេរ៉ា។ ក្រៅពីអាចជំនួសកម្មវិធីដែលមានទាំងពីរនោះដោយកម្មវិធីផ្សេងទៀតដែលមាន យើងថែមទាំងអាចរើសកន្លែងដែលវាបង្ហាញនៅលើអេក្រង់បានទៀតផង។ សូមធ្វើតាមរបៀបខាងក្រោម៖
បើក Settings -> Lock Screen -> App shortcuts ហើយរើស Floating button បើអ្នកចង់អោយកម្មវិធីបង្ហាញនៅក្បែរកន្លែងស្កែនក្រយ៉ៅដៃ ពេលដែលយើងសង្កត់លើកន្លែងស្កែនយូរបន្តិច។
នៅខាងក្រោមផ្នែក Layout យើងនឹងឃើញមានកន្លែងដែលអាចប្ដូរកម្មវិធី តេនិងកាមេរ៉ា ទៅកម្មវិធីផ្សេងទៀត៕ ចំណាំៈ កម្មវិធីទាំងនោះប្រើសម្រាប់តែពេលជាប់សោអេក្រង់តែប៉ុណ្ណោះ (មើលរូបខាងក្រោម)៖
Restart ទូរសព្ទ័របស់អ្នកដោយប្រើសម្លេង
ដើម្បី Restart ទូរសព្ទ័របស់អ្នកដោយប្រើសម្លេង អ្នកគ្រាន់តែបើកជំនួយការ Bixby ហើយបញ្ជាដោយប្រើប្រយោគ “Restart my phone” ដែលមានន័យថា “Restart ទូរសព្ទ័របស់ខ្ញុំ” បន្ទាប់មកបញ្ជាក់ពេលដែលជំនួយការសុំការបញ្ជាក់។
ប្ដូរមុខងារប៊ូតុងចំហៀងអោយបើកកម្មវិធីដែលយើងចង់បើក
យើងអាចប្រើប៊ូតុងសម្រាប់បិទបើក (Power button) ដើម្បីធ្វើរឿងផ្សេងៗគ្នាដូចជា៖ បើកកាមេរ៉ា បើកជំនួយការ Bixby ឬអាចប្ដូរទៅអោយបើកកម្មវិធីអ្វីផ្សេងតាមដែលយើងចង់។ សូមមើលរបៀបខាងក្រោម៖
បើក Settings -> Advanced features -> Side key បន្ទាប់មក ដូរកន្លែង Double press ទៅជា Open app ហើយរើសកម្មវិធីដែលអ្នកចង់បាន។ (សូមមើលរូបខាងក្រោម)
ប្រើ S pens លើសពីមួយ
ឧបមាថាអ្នកមាន ប៊ិចមួយទៀតទំនេរនៅលើតុ ហើយខ្ជិលដកប៊ិចរបស់ Note 10 របស់អ្នកចេញចូលៗនោះ ខាងក្រោមជាវិធីដែលអាចជួយអោយអ្នកប្រើប៊ិចមួយផ្សេងទៀតបាន។
បើក Settings > Advanced features > S Pen ហើយបើក Use multiple S Pens ដើម្បីអោយអ្នកអាចប្រើ ប៊ិច មួយផ្សេងទៀតបាន ស្របពេលដែលប៊ិចរបស់ Note 10 របស់អ្នកមិនបានដកចេញមក។ ត្រង់ចំណុចនេះអ្នកគួរតែដឹងផងដែរថានៅខាងក្រោមហ្នឹងមានអក្សរតូចៗប៉ុន្មានជួរដែលមានន័យថា៖ ប្រើប៊ិចផ្សេងទៀតពេលដែលប៊ិចរបស់អ្នកនៅខាងក្នុង អាចធ្វើអោយទូរសព្ទ័សុីថ្មលឿន។ ដូឆ្នេះហើយ គិតមើលសិនមុននឹងប្រើប៊ិចផ្សេង។
ថតវីដេអូស្រ្គីននិងខ្លួនឯង
ថតវីដេអូស្រ្គីនមានកម្មវិធីពីនាយស្រាប់ជាមួយ Note 10/ 10+ ហើយថែមទាំងមានមុខងារពិសេសៗជាច្រើនទៀតផង៕ យើងអាចថតវិដេអូស្រ្គីនដើម្បីបង្រៀនគេពីការប្រើទូរសព្ទ័ថ្មី បង្ហាញពីមុខងារខប់ៗរបស់ទូរសព្ទ័ថ្មី ឬថតពេលយើងលេង Pubg ក៏បាន ហើយអ្វីដែលកាន់តែពិសេសនោះគឺយើងអាចថតវីដេអូរូបយើងកំពុងនិយាយក្នុងពេលតែមួយបានទៀតផង។
មុននឹងប្រើប្រាស់មុខងារនេះជាលើកដំបូង សូមចូលទៅកាន់ Settings -> Advanced features -> Screenshots and screen recorder -> Screen recorder settings.
យើងអាចជ្រើសបានថាតើថតវីដេអូប្រើតែសម្លេង Mic ទូរសព្ទ័ ប្រើសម្លេងពីមីក្រូហ្វូននិងសម្លេងរបស់ប្រពន្ធ័ (សម្លេងលឺពីក្នុងទូរសព្ទ័) ឬក៏ថតអត់សម្លេង ក៏បាន។ លើសពីនេះទៅទៀតអ្នកក៏អាចជ្រើសរើសកម្រិតភាពច្បាស់របស់វីដេអូ ហើយបើអ្នកថតវីដេអូស្រ្គីននិងថតវីដេអូខ្លួនឯងដោយប្រើកាមេរ៉ាមុខនោះ អ្នកអាចកែទំហំនៃវីដេអូដែលថតចេញពីកាមេរ៉ាមុខបានទៀតផង។
ជំហានបន្ទាប់ ពេលយើងចង់ថតវីដេអូស្រ្គីន យើងគ្រាន់តែអូសពីលើចុះក្រោមលើអេក្រង់និងជ្រើសយក Screen Recorder ពីបញ្ជីនៃកម្មវិធីដែលបានបង្ហាញ។ ក្រោយពីនោះ អ្នកនឹងឃើញមានផ្ទាំងមួយនៅផ្នែកខាងលើបំផុតនៃអេក្រង់ ដែលក្នុងនោះអាចអោយយើងប្រើ Tool ដើម្បីគូរពេលកំពុងថត អាចអោយយើងបើកឬបិទកាមេរ៉ាមុខ និង អាចអោយយើងបិទឈប់ថតបាន។ ពេលដែលចង់ឈប់ថត អ្នកគ្រាន់តែចុចលើប៊ូតុង Stop ជាការស្រេច។
ថតរូបអេក្រង់ស្អាតជាងមុន
អ្នកអាចថតរូបលើអេក្រង់តាមដែលចិត្តអ្នកចង់បានដោយប្រើប្រាស់ S pen។ ពេលដែលអ្នកដក S pen ចេញពីទូរសព្ទ័របស់អ្នក អ្នកនឹងឃើញជម្រើសនៃកម្មវិធីជាច្រើននៅលើអេក្រង់៕ អីលូវចុចលើ Smart Select ។
លើផ្ទាំងនៃផ្នែកខាងក្រោម យើងអាចជ្រើសរើសរបៀបដែលយើងចង់ថតដូចជា៖ ថតអោយចេញមកជារាងការេឬចតុកោណកែង ថតអោយចេញមកតាមយើងគូសដោយប្រើម្រាមដៃ ថតចេញមកជារង្វង់ និង អាចថតអោយចេញមកជារូបមានចលនា (GIF) (មើលរូបខាងលើ)។ យើងសុំមិនពន្យល់លម្អិតពីកន្លែងមួយៗនោះទេ ទុកអោយអ្នកសាកល្បងចុចដោយខ្លួនឯង។
បន្ទាប់ពីអានអត្ថបទនេះហើយ ខ្ញុំសង្ឃឹមថាអ្នកបានរៀបពីតិចនិចចំនួន ៨ ពីរការប្រើប្រាស់ត្រកូល Note 10 ថ្មីរបស់អ្នក។
តើអ្នកមានតិចនិចអ្វីក្រៅពីនេះដែរឬទេ? បើមានសូមសរសេរនៅក្នុងកន្លែងបញ្ចេញមតិខាងក្រោម!
ឯកសារយោង៖ CNET
