ថ្ងៃនេះជាថ្ងៃដែលត្រកូល Note 10 ដាក់លក់លើទីផ្សារហើយ៕ ក្នុងពេលជាមួយគ្នានេះ Samsung ក៏បានរចនារូបភាពលើអេក្រង់ (Wallpapers)ជាច្រើនដាក់នៅលើ Play Store សម្រាប់កំពូលស្មាតហ្វូន Note 10+ និង Note 10 ផងដែរ៕ រូបភាពទាំងនោះ ត្រូវបានរចនាឡើងដើម្បីជួយបិទបាំងកាមេរ៉ាមុខដែលផុសឡើងលើអេក្រង់ ដើម្បីកុំអោយអ្នកប្រើប្រាស់មើលទៅមានអារម្មណ៏ថាទើសៗពេលពួកគេនៅលើ Home Screen ឬ ពេលចាក់សោអេក្រង់។
ដូចដែលបានរំពឹងទុករួចមកហើយ តួលេខរូបភាពនៅមានចំនួនតិចតួចនៅឡើយ តែយើងសង្ឃឹមថានឹងមានកាន់តែច្រើននៅសប្ដាហ៏ក្រោយៗ ព្រោះអ្នករចនារូបភាពនិង Theme កំពុងតែសហការណ៏គ្នាយ៉ាងសស្រាក់សស្រាំដើម្បីបង្កើតរូបភាពអោយច្រើនសម្រាប់អ្នកប្រើប្រាស់។ យើងអាចស្វែងរករូបភាពលើអេក្រង់ដើម្បីបាំងកាមេរ៉ាមុខពីប្រភពផ្សេងទៀតបានផងដែរ ដូចជា Reddi ជាដើម។ កាលពី Galaxy S 10+ Samsung បានសហការណ៏ជាមួយ Disney ដើម្បីបង្កើតរូបភាពបាំងកាមេរ៉ា តែចំពោះត្រកូល Note វិញ យើងនៅមិនទាន់ដឹងច្បាស់នៅឡើយ។
អ្នកអាចចុចលើ តំណរភ្ជាប់ នេះនៅលើទូរសព្ទ័របស់អ្នក(ចំពោះ Galaxy Note 10 ឬ S 10) ដើម្បីមើលរូបភាពលើអេក្រង់ទាំងអស់នៅលើ Samsung Store.
រូបភាព Disney
ប្រភពរូបភាព៖ Sammobile
ពេលដែលអ្នកសាកល្បងហើយ ជួយប្រាប់យើងផង ថាតើរូបទាំងនោះជួយបាំងកាមេរ៉ាមុខឬអត់! សូមសរសេមតិរបស់អ្នកនៅខាងក្រោម!
ឯកសារយោង៖ Sammobile
